हामी सबैकाे संसारन्यूज

काठमाडौं । सन नेपाल लाइफ इन्स्योरेन्स कम्पनीले सर्वसाधारणमा निष्कासन गरेको आइपिओ बाँडफाँड भएको छ ।  बिक्री प्रबन्धक नेपाल एसबिआई मर्चेन्ट बैङ्किङले आज शुक्रवार बिहान शेयर बाँडफाँड गरेको हो ।

कम्पनीले साउन ३२ देखि भदौ ४ गतेसम्म सर्वसाधारणका लागि ७६ लाख ८० हजार कित्ता शेयर शेयर निष्कासन गरेको थियो ।  कम्पनीले अङ्कित मूल्य १०० रुपैयाँमा १३९ रुपैयाँ प्रिमियम थप गरेर प्रति कित्ता २३९ रुपैयाँमा शेयर निष्कासन गरेको थियो ।

क्यापिटलका अनुसार यस आईपीओमा कुल १४ लाख ६६ हजार ८ सय ६२ जनाले आवेदन दिएका थिए  । जस मध्ये ६ हजार ८ सय १ जनाको आवेदन रद्द भएको छ  ।  योग्य रहेका १४ लाख ६० हजार ६१ जनालाई गोला प्रथामा सहभागी गराएर शेयर बाँडफाँड गरिएको छ  ।  जसबाट ७ लाख ६८ हजार हजार जनाले १० कित्ताको दरले शेयर पाएका छन्  ।

मेरो शेयरको वेबसाइटबाट आफूले आईपिओमा आवेदन गर्दाको एप्लिकेसन रिपोर्टमा गएर तथा अन्यको हकमा आफ्नो डिम्याट नम्बर हालेर नतिजा हेर्न सकिने छ ।

कम्पनीले यस अघि नै गतेसम्म श्रम स्वीकृति लिई वैदेशिक रोजगारीमा रहेका नेपालीलाई शेयर निष्कासन गरी बाँडफाँड गरिसकेको छ।  कम्पनीले नेपाल एसबिआई मर्चेन्ट बैङ्किङलाई शेयर रजिस्ट्रार पनि चयन गरिसकेको छ ।

यस सँगै कम्पनीको शेयर सिडिएस एण्ड क्लियरिङ्ग लिमिटेडमा दर्ता गर्ने नेपाल स्टक एक्सचेन्ज लिमिटेडमा शेयर कारोबारको लागि सूचीकरण गर्ने तथा सर्वसाधारणमा बाँडफाँड भएको साधारण शेयर सम्बन्धित सेयर धनीहरूको हित ग्राही खातामा जम्मा गरिदिने, कारोबार भएको सेयरहरूको अभिलेख राख्ने, दाखिल खारेज गर्ने, शेयर धनी लगत अद्यावधिक गरी राख्ने लगायतका शेयर रजिस्ट्रार सम्बन्धी सम्पूर्ण कार्यहरू नेपाल एसबिआई मर्चेन्ट बैङ्किङले गर्ने छ ।