हामी सबैकाे संसारन्यूज

काठमाडौं । मिड सोलु हाइड्रोपावर लिमिटेडले सर्वसाधारणका लागि भदौ २८ गतेदेखि आइपिओ निष्कासन गर्ने भएको छ । कम्पनीले सर्वसाधारणका लागि ६ लाख २१ हजार १ सय ७२ कित्ता शेयर निष्कासन गर्न लागेको हो ।

यस निष्कासनमा असोज १ गतेसम्म आवेदन दिन सकिने छ । आवेदन दिँदा न्यूनतम १० कित्ता र अधिकतम १ लाख कित्ताको आवेदन दिन सकिने छ । शेयर निष्कासनको लागि एनआईसी क्यापिटल बिक्री प्रबन्धक रहेको छ ।

कम्पनीले यस अघि नै आयोजना प्रभावित दोलखा जिल्लाका स्थानीय र श्रम स्वीकृति लिई विदेशमा रहेका नेपाली नागरिकको लागि निष्कासन गरिएको शेयर बाँडफाँड गरिसकेको छ ।

कम्पनीले सोलुखुम्बु जिल्लाको साबिक सल्लेरी गाविसमा ९.५ मेगावाट क्षमताको मध्य सोलु खोला जलविधुत आयोजना निर्माण सम्पन्न गरि २०७९ पुस १५ गतेदेखि व्यापारिक उत्पादन गरिरहेको छ । आयोजना प्रति मेगावाट लागत २१ करोड ९३ लाख रहेको छ भने कुल लागत २ अर्ब ८ करोड रहेको छ ।