हामी सबैकाे संसारन्यूज

काठमाडौं । नेकपा एमाले बागमती प्रदेशको असोज ८ देखि सुरु भएको प्रथम अधिबेशवनमा नेतृत्व चयनका लागि निर्वाचन सुरु भएको छ ।
विहीबार बिहानदेखि निर्वााचन हुने भनिएपनि सबै पदका लागि सहमतिको प्रयासका कारण समयमा निर्वाचन हुन सकेको थिएन । यद्यपी अहिले निर्वाचन प्रक्रिया सुरु भइसकेको छ ।
एमाले अध्यक्ष केपी शर्मा ओलीले उद्घाटनको पहिलोदिन सहमतिका आधारमा नेतृत्व चयनमा जोड दिएपछि अध्यक्षका आंकाक्षी पाँचजना देखिएपछि निर्वाचनमा जानु परेको थियो । यद्यपी तीजनाले उम्मेदवारी फिर्ता लिइसकेकोले मकवानपुरका कैलाश प्रसाद ढुंगेल र रामेछापका कृष्ण प्रसाद दाहाल निर्वाचनको मैदानमा उत्रिएका छन् ।
त्यस्तै एक उपाध्यक्ष पदका लागि ईश्वर चन्द्र पोखरेल, दावा दोर्ज लामा, नारायण प्रसाद खतिवडा, राजेन्द्र प्रसाद खतिवडा र राजेन्द्र राजथलाबीच प्रतिश्पर्धा हुने भएको छ ।
त्यसैगरी प्रदेश सचिवका लागि पनि पूर्वसांसद नवराज सिलवाल र हस्त पण्डितबीच प्रतिश्पर्धा हुने भएको छ ।

त्यस्तै प्रदेश कमिटीका लागि सिन्धुपाल्चोक, काभ्रे, चितवन र रसुवाबाट सर्वसम्मत नेतृत्वको टुंगो लागिसकेको छ भने अन्य जिल्लाबाट पनि केही नेताहरु निर्विरोध निर्वाचित भएको बताइएको छ ।

प्रदेशको पहिलो अधिबेशन तथा निर्वाचनका लागि प्रदेशका ११ जिल्लाबाट एघार सय बढी प्रतिनिधि उपस्थित भएका छन् ।