Sansar News
काठमाडौं । चिरख्वा हाइड्रोपवर लिमिटेडले सर्वसाधारणका लागि आज असोज २३ गतेदेखि आईपीओ बिक्री खुला गरेको छ । कम्पनीले सर्वसाधारणका लागि ८ लाख ५९ हजार ३ सय कित्ता शेयर निष्कासन गर्न लागेको हो । कम्पनीले अंकित मूल्य प्रति कित्ता १ सय रुपैयाँ मै शेयर निष्कासन गरेको हो ।
यस निष्कासनमा असोज २६ गतेसम्म आवेदन दिन सकिने छ । आवेदन दिंदा न्युनतम १० कित्ता र अधिकतम १ लाख कित्ताको आवेदन दिन सकिने छ । शेयर निष्काशनको लागि आरविवि मर्चेन्ट बिक्री प्रबन्धक रहेको छ ।
सर्वसाधारणका लागि आईपीओ निष्कासन गर्दै चिरख्वा हाइड्रो
कम्पनीले यस अघि नै आयोजना प्रभावित स्थानीय र श्रम स्वीकृति लिई विदेशमा रहेका नेपाली नागरिकको लागि निष्कासन गरिएको शेयर बाँडफाँड गरिसकेको छ ।
मुक्तिनाथ कृषि कम्पनीले आइपिओ निष्कासन गर्ने
कम्पनीले भोजपुर जिल्लामा ४.७ मेगावाटको अपर चिरख्वा हाइड्रोपावर आयोजना निर्माण गरिरहेको छ । कम्पनीको आयोजनाको प्रति मेगावाट लागत २१ करोड २३ लाख छ । आयोजनाको भौतिक प्रगति ९८ प्रतिशत भएको कम्पनीले जनाएको छ ।
वि.सं.२०८० असोज २३ मंगलवार १३:१० मा प्रकाशित
