Sansar News
काठमाडौं । काठमाडौ महानगरपालिकाका मेयर बालेन्द्र शाहले नेताहरुलाई देश बेचुवाको आरोप लगाउदै आफुले काठमाडौ सुरक्षित राख्ने बताएका छन् ।
ललितपुरका मेयर बोल्दाबोल्दै कार्यक्रम बहिस्कार गरेको आरोप लागेका बालेन्द्रले १७ वटा नगरले निजी कम्पनीको पैसा खाएको ठोकुवा समेत गरेका छन् ।
उनले सो बैठक बहिष्कार गरेको सार्वजनिक अभिव्यक्तिसँगै नेताहरु देश बेचुवा भएको अर्को प्रसङ जोडेर काठमाडौलाई बिक्रिमा नराखिएको बताएका हुन् ।
सामाजिक संजालमा आक्रोश व्यक्त गर्दै उनले भनेका छन्, ‘१७ वटा नगरपालिकाले कुनै Private Company बाट पैसा खाएर बसाएको बैठक बहिस्कार गरेको हो, कसैको अपमान गरेको होईन । नेताज्युहरुले त देशनै बेच्न खोजिसक्नु भो, तर काठमाडौं महानगर बिक्रीमा छैन । तपाईंहरुले पुरै देशनै बेच्नुभो भने पनि, काठमाडौं एक्लै नेपाल भनेर उभिनेछ ।’
वि.सं.२०८० कात्तिक १५ बुधवार २१:०५ मा प्रकाशित
