Sansar News
काठमाडौं । जाजरकोटलाई केन्द्र बिन्दु बनाएर आज बिहान पनि भूकम्प गएको छ ।
राष्ट्रिय भूकम्प मापन केन्द्रका अनुसार बिहीबार बिहान ३ बजेर ६ मिनेट जाँदा ४ दशमलब २ म्याग्निच्युडको परकम्प गएको हो ।
गत १७ गते जाजरकोटको बारेकोट गाउँपालिका १ रामीडाँडालाई केन्द्रबिन्दु बनाएर ६.४ रेक्टरको भूकम्प गएयता जाजरकोटलाई केन्द्रबिन्दु बनाएर ६ सय ५० बढी भूकम्पपका परकम्प गएको छ ।
केन्द्रका अनुसार सबैभन्दा ठूलो परकम्प २० गते गएको थियो । २० गते ५.८ म्याग्निच्युडको परकम्प गएको थियो । उक्त परकम्पको केन्द्र पनि रामीडाँडा नै रहेको थियो ।
जाजरकोटलाई केन्द्रबिन्दु बनाएर गत शुक्रबार गएको भूकम्पमा परी रुकुमपश्चिम र जाजरकोटमा गरी १५३ जनाले ज्यान गुमाएका थिए भने ३६४ जना घाईते भएका छन् । उक्त भूकम्पमा परी १७ हजार ८९६ घर पूर्णरुपमा तथा १७ हजार ८५० घर आंशिक रुपमा क्षतिग्रस्त भएका छन् ।
वि.सं.२०८० कात्तिक २३ बिहीवार १०:२२ मा प्रकाशित
