हामी सबैकाे संसारन्यूज

काठमाडौँ । विचारको विकास गर्दै समाजवादी क्रान्ति सम्पन्न गर्न अपरीहार्य भएको पुर्व सभामुख अग्नीप्रसाद सापकोटाले बताएका छन् । नेकपा माओवादी केन्द्र नार्गाजुन नगर समितिले आयोजना गरेको प्रशिक्षण कार्यक्रममा बोल्दै नेता सापकोटाले नेपाल अहिले पनि राजनैतिक सक्रमणमा रहेको भन्दै उक्त कुरा बताएका हुन् ।

सत्तारुढ नेकपा माओवादी केन्द्रका उपाध्यक्ष तथा प्रवक्ता समेत रहेका सापकोटाले नेपाली क्रान्तिको मौलिकपूर्ण बिगतलाई प्रचण्डपथका रुपमा स्मरण गर्दै विचारको विकास नगरी समाजवादी क्रान्ति सम्पन्न नहुने बताएका थिए । उनले पदावली के होला, त्यो महाधिवेशनले तय गर्ला तर त्यसको बैचारीक आधार निर्माण गर्न सबै कार्यकर्ता तयार हुनुपर्ने र अध्ययनमा लाग्नुपर्ने बताएका थिए ।

उनले संसद बिघटन देखी सम्झौताहरु गर्न आएका दबाब र प्रतिगमनका हर्कतहरु स्मरण गराउँदै उच्च मनोवलका साथ डटेर अघि बढ्दा सानो शक्ति पनि ठूलो बन्ने उदाहरण दिएका थिए । दलाल पुँजीले मानिसलाई दिग्भ्रमीत पार्ने प्रयास गरेपनि सबै समस्याका समाधान माक्र्सवाद अन्र्तगत नै हुने बताउँदै सापकोटाले बिशेष रुपान्तरणको कोर्षबाट क्रान्तिको आधार तयार हुने धारणा राखेका थिए ।

सो कार्यक्रममा माओवादी नेता झक्कु सुवेदी, सरल सहयात्री, निलकण्ठ तिवारी लगायतले विभिन्न विषयमा प्रशिक्षण दिएका थिए । नगर समितिका अध्यक्ष युवराज भण्डारीको अध्यक्षता, सचिव शास्वत सुवेदीको संचालन र नगर इन्चार्ज तथा केन्द्रीय सदस्य चित्रबहादुर श्रेष्ठको विशेष उपस्थिति, केन्द्रीय लेखा आयोगका सदस्य सुरेन्द्र भुजेल, विशेष प्रदेश सचिव कमल सापकोटा, ज्येष्ठ कम्युनिष्ट मंचका सदस्य प्रेम बिमली तथा नेकपा माओवादी केन्द्र काठमाडौँका संयोजक सञ्जय लामा तथा प्रदेश समितिका नेताहरुः सलिना पौडेल, शिव पोखरेल, दधिराज घिमिरे, निर्मला धमला, कृष्ण घिमिरे, प्रताप दानी, अमृत केसी, डा गणेश धमला सहित जिल्ला समन्वय समितिका सदस्यहरु र नगर पदाधिकारीहरुको उपस्थिति रहेको सो कार्यक्रममा अभियानका संक्षिप्त गतिविधिसमेत राखिएको थियो ।