हामी सबैकाे संसारन्यूज

काठमाडौं । एभरेष्ट बैंकले चालु आर्थिक वर्षको छ महिनामा झण्डै दुई अर्ब नाफा कमाएको छ । बैंकले सार्बजनिक गरेको चालु आर्थिक वर्षको पहिलो छ महिनाको वित्तिय विवरणमा यस्तो देखिएको हो ।

विवरण अनुसार यो अवधिमा बैंकले छ महिनामा एक अर्ब ७१ करोड ३१ लाख ४८ हजार रुपैयाँ नाफा कमाएको छ । यो गत वषकोभन्दा ७।८८ प्रतिशतले बढी हो ।

गतवर्ष बैंकले एक अर्ब ५८ करोड ८० लाख ३ हजार रुपैयाँ नाफा कमाएको थियो । यो नाफा गत वर्षभन्दा १२ करोड ५१ लाख ४५ हजार रुपैयाँले बढी हो ।

उता बैंकको खुद ब्याज आम्दानी भने १।२७ प्रतिशतले घटेको छ । यो अवधिमा बैंकले तीन अर्ब ६२ करोड ३४ लाख ४७ हजार रुपैयाँ ब्याजवापत आम्दानी गरेको छ । गत वर्ष सोही अवधिमा बैंकले तीन अर्ब ६७ करोड २ लाख ४५ हजार ब्याजवापत आम्दानी गरेको थियो ।

उता बैंकको सञ्चालन आम्दानी दुई अर्ब ४४ करोड ७५ लाख ९५ हजार रुपैयाँ रहेको छ भने खराब कर्जा ०।७७ प्रतिशतमा सिमित छ । उसको खराब कर्जा गत वर्ष केहि कम अर्थत ०।५५ प्रतिशत रहेको थियो ।

११ अर्ब ७६ करोड ७९ लाख चार हजार रुपैयाँ चुक्ता पुँजी रहेको यो बैंकको जगेडा कोषमा झण्डै बराबर अर्थत ११ अर्ब ४२ करोड ७६ लाख दुई हजार रुपैयाँ रहेको छ ।

यो अवधिमा बैंकले दुई खर्ब १३ अर्ब ८६ करोड २४ लाख ८६ हजार रुपैयाँ निक्षेप संकलन गरेर एक खर्ब ६८ अर्ब ४८ करोड ३८ लाख ८६ हजार रुपैयाँ कर्जा प्रवाह गरेको देखिन्छ ।

त्यस्तै बैंकको प्रतिशेयर आम्दानी २९.१२ रुपैयाँ हुँदा प्रतिशेयर नेटवर्थ २१९.५७ रुपैयाँ रहेको छ ।