Sansar News
काठमाडौं । काठमाडौंबाट नक्कली डाक्टरको आरोपमा एकजना पक्राउ परेका छन् ।
काठमाडौं उपत्यका अपराध अनुसन्धान कार्यालयको टोलीले सोमबार मोरङको विराटनगर महानगरपालिका वडा नम्बर २ का ४० वर्षीय सम्बुद्ध भट्टाचार्यलाइ नक्कली डाक्टरको आरोपमा बसुन्धराबाट पक्राउ गरेको हो ।
चीनबाट एमबिबिएस गरेको र राजगञ्जस्थित शिक्षण अस्पतालमा कार्यरत रहेको बताउदै आएका भट्टाचार्यले विदेश जाने व्यक्तिको मेडिकल रिपोर्टसमेत बनाउने गरेको प्रहरीले जनाएको छ ।
नेपाल मेडिकल काउन्सिलको नक्कली दर्ता प्रमाणपत्र देखाएर धौलागिरि पोलिक्लिनिक सञ्चालन गर्दै आएका उनले अहिलेसम्म ४० जना बिरामीलाई उपचार गराएको बयान दिएका छन् । उनले आफु तीनवर्षदेखि यस कार्यमा संलग्न रहेको समेत प्रहरी समक्ष बयान दिएका छन् ।
वि.सं.२०८० माघ ८ सोमवार १४:३६ मा प्रकाशित
