Sansar News
काठमाडौं । गृहमन्त्रालयले त्रिभुवन अन्तराष्ट्रिय विमानस्थल अध्यागमन विभागका कर्मचारीमाथि प्रहरीले गरेको कुटपिटका विषयमा छानविन गर्न समिति गठन गरेको छ ।
अध्यागमनका कर्मचारी र प्रहरीबीच भएको घटनाका सम्बन्धमा गृह मन्त्रालयले गम्भीर ध्यानाकर्षण भएको समेत जनाएको छ ।
मन्त्रालयका प्रवक्ता नारायणप्रसाद भट्टराईले एक वक्तव्य जारी गर्दै घटनाको आवश्यक छानविन गरी तीन दिनभित्र प्रतिवेदन पेश गर्न तीन सदस्यीय छानबिन समिति गठन गरिएको जनाएका छन् ।
मन्त्रालयका सहसचिव थानेश्वर गौतमको संयोजकत्वमा गठित समितिमा नेपाल प्रहरीका प्रहरी नायब महानिरीक्षक राजेशनाथ बास्तोला र सीमा तथा अध्यामन प्रशासन शाखाका उपसचिव कुल बहादुर जि.सी. सदस्य रहेका छन् ।
वि.सं.२०८० माघ १२ शुक्रवार २०:३५ मा प्रकाशित
