Sansar News
जापान । जनप्रगतिशील मञ्च जापानको अध्यक्षमा मोहन पौडेल चयन भएका छन् ।
मञ्चको टोकियोमा सम्पन्न अधिबेशनले पौडेलको अध्यक्षतामा ४३ सदस्यीय नयाँ कार्यसमितिको चयन गरेको हो ।
समितिको वरिष्ठ उपाध्यक्षमा श्यामहरी पाण्डे, उपाध्यक्षहरूमा बाबुराम पौडेल, जनक सुबेदी, शिवु थापा, आर एच गौतम श्रवण सत्याल, भुवन हुमागाईँ र रामकृष्ण भण्डारी रामप्रसाद गैरे रहेका छन् ।
त्यस्तै महासचिवमा दावा लामा, उपमहासचिवमा अर्जुन अम्गाइँ, डिलाराम न्युरे, प्रमीला राई, सचिवहरूमा गोपाल लामिछाने (जिपी), जीवन पोखरेल, राज पुरी, राकेश बिमली, बालबिक्रम तिगेला र गोविन्द प्रसाद पौडेल, कोषाध्यक्षमा गौरी सापकोटा, सहकोषाध्यहरुमा सालिकराम मरहट्ठा, भरत अर्याल, हरिबाबु तामाङ र पवन अधिकारी रहेका छन् । निर्वाचन कमिटीका संयोजक डा. भुपालमान श्रेष्ठका अनुसार बाँकी १८ जनालाई केन्द्रीय कार्यसमितिमा चयन गरिएको छ । साथै लेखा आयोगको अध्यक्षमा अर्जुन ढकाल चयन भएका छन् ।
माओवादी केन्द्रका नेताहरू लक्ष्मण पन्त र ओम शर्मा लगायतले उद्घाटन गरेको उक्त अधिवेशनबाट अध्यक्षमा निर्वाचित भएका पौडेलले आफ्नो दुईवर्षे कार्यकाल स्वर्णिम बनाउने उद्घोष गरेका थिए ।
त्यस्तै पूर्वअध्यक्ष भवानी पन्तले आफ्नो कार्यकाल सोचेभन्दा सफल भएको बताउँदै नयाँ कार्यसमितिको कार्यकाल सफलताको कामना गरेका थिए ।
वि.सं.२०८० माघ १५ सोमवार १६:५३ मा प्रकाशित
