हामी सबैकाे संसारन्यूज

काठमाडौं । अनलाइन गेम खेलाउनको लागि लिमिट लोड गरिदिएको अभियोगमा ७ जना पक्राउ परेका छन् ।

पक्राउ पर्नेहरूमा काठमाडौंको विभिन्न ठाउँमा डेरा गरी बस्ने सिरहा, लहान नगरपालिका–१० का २४ वर्षीय मिथलेश कुमार मण्डल, लक्ष्मीपुर पतारी गाउँपालिका–६का २४ वर्षीय मुरारी शाह, लहान नगरपालिका–१ का २४ वर्षीय आर्यन शाह, लहान नगरपालिका–७ का २४ वर्षीय अनिष कुमार रौनियार र २६ वर्षीय रोशन चौधरी जैसवाल, सुकिपुर नगरपालिका–२का २४ वर्षीय शिवम कुमार यादव र लहान नगरपालिका–७ का २४ वर्षीय हरि शंकर चौधरी रहेका छन् ।

अवैध क्रिप्टोकरेन्सी मार्फत जुवा, मिल्किवे, गेमभ्यालुट्, फायरकिरिन्, वेगस् स्वीप्स्, अनिअन स्टार जस्ता खेल खेलाई उक्त प्लेटफममा लिमिट लोड गराई रहेको भन्ने सूचनाको आधारमा काठमाडौं उपत्यका अपराध अनुसन्धान कार्यालय टाेलीले उनीहरूलाई नयाँबानेश्वर सुविधानगर, कोटेश्वर जडिबुटी लगायतबाट पक्राउ गरेको हो ।

उनीहरूलाई आवश्यक कारवाहीका लागि जिल्ला प्रहरी परिसर टेकु पठाइएको जनाइएकाे छ ।