Sansar News
सुनसरी । आमाको हत्या गरेको अभियोगमा छोरा पक्राउ परेका छन् । पक्राउ पर्नेमा धरान उपमहानगरपालिका-११ कुविर्ताचोकका २८ वर्षीय दिपक राई रहेका छन् ।
दिपकलाई आफ्नै आमा ४६ वर्षीया रमनश्वरी राईको हत्या गरेको आरोपमा सोमबार राति प्रहरीले पक्राउ गरेको हो ।
दिपकले मादक पदार्थ सेवन गरी कुटपिट गर्दा रमनश्वरी गम्भीर घाइते भएको भन्ने खबर प्राप्त हुनासाथ अस्थायी प्रहरी पोष्ट रेल्वेबाट खटिएको प्रहरीले उनलाई घोपा अस्पताल धरान लगेकोमा उपचारको क्रममा मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
फाइल फाेटाे
वि.सं.२०८० फागुन ८ मंगलवार १३:०७ मा प्रकाशित
