हामी सबैकाे संसारन्यूज

पोखरा । माछा मार्न जाने क्रममा सेतीनदीले बगाई वेपत्ता भएका व्यक्तिको खोजी गर्न पोखराको सेती नदीको ड्याम खोलिने भएको छ ।

जिल्ला प्रहरी कार्यालय कास्कीले बुधबार एक सूचना जारी गर्दै पोखरा महानगरपालिका वडा नं १ सिम्पानी बस्ने रक्से भनेर चिनिने सार्की लामा तामाङ (मान बहादुर तामाङ) माछे मार्नेक्रममा नदीमा बेपत्ता भएकोले बिहीबार बिहान ८ देखि १२ बजसेम्म नदीको ड्याम खोली खोजी गरिने हुनाले नदी आसपासमा रहनेहरुलाई सर्तक रहन अनुरोध गरिएको हो ।

‘फागुन १४ गते नेपाल प्रहरी, सशस्त्र प्रहरी बल समेतको टोलीले खोजतलास गर्दा फेला नपरेको र सेती नदिको ड्याम खोली खोजतलास गरिदिन भएको अनुरोध अनुसार फागुन १७ गते बिहान ८ बजेदेखि १२ बजेसम्मको समयमा पोखरा महानगरपालिका १६ दिपस्थित रहेको ड्याम खोलीने हुँदा सेती नदीमा पानीको बहाव बढ्न सक्ने हुँदा वरिपरी काम गर्ने तथा आवत–जावत गर्न मानिसहरु चनाखो भइ कार्य गर्नुहुन र सुरक्षा सतर्कता अपपनाउनु हुन सबैको लागि सूचना प्रकाशन गरिएको छ ।’ कास्की प्रहरीद्वारा जारी सूचनामा भनिएको छ ।