हामी सबैकाे संसारन्यूज

काठमाडौं । नेकपा माओवादी केन्द्रको स्थायी समितिको बैठकले गरेको कार्यविभाजनको निर्णयपछि असहमति जनाउँदै पार्टीका अध्यक्ष पुष्पकमल दाहाल ‘प्रचण्ड’ प्रति एकपछि अर्को आपत्ति थपिएका छन् ।

मंगलबारको बैठकमा जिम्मेवारी बाँडफाँटको निर्णयलाई लिएर पार्टीका उपमहासचिव जर्नादन शर्माले आपत्ति जनाएको केही समयमा नै स्थायी समिति सदस्य खगराज भट्टले पनि आपत्ति जनाएका छन् ।

‘अध्यक्ष कमरेड, स्थायी समितिको निर्णयले मलाई मेरो राजनीतिक र व्यक्तिगत जीवनलाई समाप्त गर्ने निर्णयको रुपमा बुझेको छु,’ भट्टद्वारा जारी विज्ञप्तिमा भनिएको छ,‘ स्थायी समितिको निर्णयबाट मेरो ३४ वर्षको राजनैतिक र संगठनात्मक जीवनलाई समाप्त पार्ने डिजाइन अन्तर्गत राजनैतिक आत्महत्याको दिशामा धकेल्ने कदमको प्रतिवाद गर्दै आगामी दिनमा सुदूरपश्चिमका हजारौ नेता, कार्यकर्ता र लाखौ जनसमुदायको सल्लाह बमोजिम अगाडि बढ्ने जानकारी गराउँदछु ।’

माओवादीको कार्यविभाजनप्रति आपत्ति जनाउँदै जर्नादन शर्माले लेखे नोट अफ डिसेन्ट