हामी सबैकाे संसारन्यूज

काठमाडौं । प्रधान सेनापति महारथी प्रभुराम शर्मासँग चिनीयाँ जनमुक्ति सेनाको अन्तर्राष्ट्रिय सैन्य सहयोग कार्यालयका उपप्रमुख मेजर जनरल चाङ पाओछुन्ले शिष्टाचार भेट गरेका छन् । प्रधान सेनापति र चिनीयाँ जनमुक्ति सेनाका उपप्रमुखबीच आज जंगी अड्डास्थित प्रधान सेनापतिको कार्यालयमा शिष्टाचार भेटघाट भएको हो ।

भेटघाटका अवसरमा दुइ छिमेकी देशहरूका साथै नेपाली सेना र चिनीयाँ जनमुक्ति सेना बिच रहिआएको सम्बन्धका विविध पक्षहरु एवं आपसी चासोका विषयहरुमा छलफल भएको सेनाले जनाएको छ ।

हीजो फागुन २६ गते मेजर जनरल चाङनेतृत्वको ६ (छ) सदस्यीय टोली चार दिवसीय भ्रमणका लागि नेपाल भ्रमणमा आएको हो । उनीहरुले काठमाडौं, लुम्बिनी तथा पोखराका विभिन्न सांस्कृतिक र पर्यटकीय स्थलहरुको भ्रमण गर्ने कार्यक्रम रहेको सेनाले जनाएको छ ।

उक्त टोली फागुन २९ गते (१२ मार्च २०२४) चीनका लागि प्रस्थान गर्नेछ ।