Sansar News
काठमाडौं । राष्ट्रिय सभा अध्यक्षका लागि आज निर्वाचन हुँदैछ । आज बिहान ११ः९ बजे बस्ने राष्ट्रिय सभा बैठकमा अध्यक्षको निर्वाचन हुने संघीय संसद सचिवालयले जनाएको छ ।
अध्यक्ष पदका लागि युवराज शर्मा र नारायण दाहालले उम्मेदवारी दर्ता गराएका छन् । सोमबार नेपाली कांग्रेसबाट शर्मा र सत्ता गठबन्धनबाट दाहालले उम्मेदवारी दर्ता गरेका हुन् ।
निर्वतमान अध्यक्ष गणेशप्रसाद तिमिल्सिनाको यही फागुन २० गते कार्यकाल सकिएपछि रिक्त रहेको अध्यक्ष पदका लागि चुनाव हुन लागेको हो ।
नयाँ गठबन्धन बनेपछि अध्यक्ष माओवादीलाई दिने सहमति भएको छ ।
वि.सं.२०८० फागुन २९ मंगलवार ०८:२३ मा प्रकाशित
