Sansar News
काठमाडौं । राष्ट्रिय वाणिज्य बैंक लिमिटेडले पाँचखालमा नयाँ शाखा विस्तार गरेको छ । बैंकले काभ्रेपलाञ्चोकको पाँचखाल नगरपालिका वडा नः ४, तामाघाटमा शाखा कार्यालय पाँचखाल विस्तार गरेको हो ।
बैंकले यहि असार ३ गते सोमबारदेखि पाँचखाल शाखाबाट कारोबार सुरु गरेको जनाएको छ । यसका साथ बैंकको शाखा कार्यालयहरुको संख्या २८८ पुगेको छ ।
हाल बैंकको ७ वटै प्रदेशका ७७ जिल्लाका सदरमुकाम सहित देशैभर रहेका २८८ शाखा कार्यालय, ३०५ एटिएम, ९९ वटा शाखा रहित बैंकिङ सेवा, ७१ वटा एक्स्टेन्सन काउण्टर, क्यूआर कोड सेवा, पीओएस सेवा, क्रेडिट कार्ड, डेविड कार्ड, कनेक्ट आईपीएस, स्मार्ट क्यूआर टेलर(बिना चेक रकम झिक्न सकिने), ईन्टरनेट बैंकिङ, परिष्कृत रुपको मोवाईल बैंकिङ (डिजिटल संसार) तथा विना ईन्टरनेट चल्ने यूएसएसडी मोवाईल बैंकिङका सेवाहरु समेत सञ्चालनमा रहेको बैंकले जनाएको छन् ।
वि.सं.२०८१ असार ५ बुधवार ११:४० मा प्रकाशित
