Sansar News
काठमाडौँ । टेकुस्थित शहीद शुक्रराज ट्रपिकल तथा सरुवा रोग अस्पतालको निर्देशकको जिम्मेवारी पुनः डा. युवानिधि बसौलाले पाएका छन् ।
स्वास्थ्य तथा जनसंख्यामन्त्री प्रदीप यादवले बुधबार मन्त्र स्तरीय निर्णय गर्दै बाल रोग विशेषज्ञ डा. बसौलालाई अस्पतालको आर्थिक तथा प्रशासनिक अधिकारसहित निर्देशकको जिम्मेवारी दिइएको हो ।
डा. बसौला तीन साता पछि पुनः टेकु अस्पतालको निर्देशकमा फर्किएका हुन् । मन्त्री यादवले गत ११ जेठमा बसौलालाई कान्ति अस्पतालमा सरुवा गरेका थिए । तर उक्त निर्णयको तीन सातापछि बुधबार डा. बसौलालाई पुनः टेकुमा फिर्ता पठाइएको हो ।
वि.सं.२०८१ असार ६ बिहीवार १३:१७ मा प्रकाशित
