Sansar News
विदुर अधिकारी, चितवन
तेरो मेरो भन्दै जगमा
किन दिल पार्छौँ सानु
नगरौँ झगडा हे ! बान्धव हो
आखिर के छ र लानु
(१)
चाहे होस् त्यो महल मजाको
चाहे सुनकै छानु
नाङ्गै आयौँ नाङ्गै जान्छौँ
आखिर के छ र लानु
(२)
राख्छौँ हामी दम्भ असाध्यै
हुन्छौँ तिक्त बिरानु
ईर्ष्या जति अब त्यागौँ जन हो
आखिर के छ र लानु
(३)
भन्छौँ भाषणमा हे! न हो
हुन्न ठगीकन खानु
किन्तु अझै पनि लुट्दै हिँड्छौँ
आखिर के छ र लानु
(४)
नभनौँ हामी मेरोजस्तो
छैन त्यहाँ के जानु
निन्दा नगरौँ यसरी साथी
आखिर के छ र लानु
(५)
छन्द- द्विपदी ( १६ / १२ / १६ / १२ मात्रा )
वि.सं.२०८१ असार २२ शनिवार ०७:४३ मा प्रकाशित
