Sansar News
विदुर अधिकारी, रामपुर, चितवन
शान्ति धरामा, भाग्दै छ
क्रोध असाध्यै, जाग्दै छ
बाँच्न यहाँ झन् साह्रो छ
जीवन बुझ्नै गाह्रो छ
(१)
बान्धव धेरै सन्किन्छन्
द्रव्य नपाए फन्किन्छन्
नैतिकतामा जालो छ
जीवन बुझ्नै गाह्रो छ
(२)
मृत्यु छ साँचो टर्दैन
सत्य छ आत्मा मर्दैन
फिर्दछ पक्कै पालो त
जीवन बुझ्नै गाह्रो छ
(३)
आउँछ मौका कुर्दैन
धेरै फलाक्नै पर्दैन
बोल्न यहाँ अप्ठ्यारो छ
जीवन बुझ्नै गाह्रो छ
(४)
पुत्र भनेको मान्दैन
पितृ पुकारा सुन्दैन
वृद्ध–कथा झन् सारो छ
जीवन बुझ्नै गाह्रो छ
(५)
छन्द : शबरी
गण : भ म गु गु
सङ्केत : Sll SSS S S
वि.सं.२०८१ साउन ५ शनिवार ०७:४० मा प्रकाशित
