काठमाडौँ । नेपाल विद्युत् प्राधिकरणले ६ उद्योगमा लाइन जोड्ने भएको छ । डेडिकेटेड र ट्रंक लाइन विवादमा ६ वटा उद्योगमा बिजुली काटिएका थियो ।
बिजुली महसुल विवादमा प्राधिकरणले २५ असारदेखि ती उद्योगको लाइन काटेको थियो । मङ्गलवार बसेको विद्युत् प्राधिकरणको बोर्ड बैठकले यस्तो निर्णय गरेको हो ।
आगामी तीन महिनाभित्र उद्योगीहरूले बक्यौता महसुल भुक्तानी नगरेमा पुनः नियम अनुसार बक्यौता रकम असुली गर्ने सर्तमा प्राधिकरणले ती उद्योगहरूको बिजुली जोड्ने निर्णय गरेको हो ।
प्राधिकरण बोर्डले गरेको निर्णयमा सञ्चालक द्वय भक्तबहादुर पुन र विपिन आचार्यले विद्युत् महसुल उठ्ने ग्यारेन्टी नभई काटिएको लाइन जोड्न नहुने मत राखेका थिए ।
वि.सं.२०८१ साउन ८ मंगलवार १५:१५ मा प्रकाशित
