Sansar News
काठमाडौं । बागमती प्रदेशमा नवनियुक्त मुख्यमन्त्री बहादुरसिंह लामाले आज शपथ ग्रहण गर्दै छन् । मंगलबार मुख्यमन्त्रीमा नियुक्ति भएका लामाले आज शपथ लिन लागेका हुन् ।
लामाको शपथसँगै एमालेका र नेपाली कांग्रेसबाट १३ सदस्य मन्त्रिपरिषद् समेत आजै गठन हुने छ ।
जसका लागि एमालेले आफ्नो भागमा परेका ६ वटा मन्त्रालय र मन्त्रीहरुको नाम मंगलबार नै टुङ्ग्याइसकेको छ भने कांग्रेसले आफ्नो तर्फका मन्त्रीहरुको नाम सार्वजनिक गरेको छैन ।
एमालेले प्रकाश श्रेष्ठलाई कृषि तथा पशुपन्छी विकास, शुकमाया तामाङलाई उद्योग वाणिज्य भूमि तथा प्रशासन, कुमार मास्केलाई भौतिक पूर्वाधार, कृष्ण सिलवाललाई वन तथा वातावरण र प्रेमभक्त महर्जनर्ला श्रम रोजगार तथा यातायातमन्त्री बनाउने तयारी गरेको छ ।
कांग्रेसको भागमा मुख्यमन्त्रीसहित सातवटा मन्त्रालय परेको छ ।
वि.सं.२०८१ साउन ९ बुधवार ०८:१० मा प्रकाशित
