काठमाडौँ । त्रिभुवन अन्तर्राष्ट्रिय विमानस्थल नजिकै दुर्घटना भएको सौर्य एयरलाइन्स विमानमा चालकदलका सदस्यसहित १९ जना रहेको खुल्न आएको छ ।
बुधबार करिब ११ बजे सौर्य एयरलाइन्सको जहाज पोखराका लागि रनवेबाट उड्ने क्रममा दुर्घटना हुँदा आगो लागेको थियो । विमानस्थल सुरक्षा कार्यालयका एसएसपी डम्बर विकका अनुसार त्रिभुवन विमानस्थलबाट पोखरा उड्ने क्रममा सौर्यको जहाज दुर्घटनामा परेको हो ।
विमानमा लोगेको आगो निभाउने प्रयास भइरहेको छ । सुरक्षाकर्मी र विमानस्थलका अग्निनियन्त्रकहरू आगो निभाउन लागि परेका छन् ।
यस्तै जहाजमा सवार दुई जनाको शव फेला परेको छ । उद्धारकर्ताहरुले दुई जनाको शव घटनास्थलमा फेला परेका छन् । जहाजमा सवारहरु केहीलाई उद्धार गरेर अस्पताल पठाइएको छ भने अन्यको खोजी कार्य जारी रहेको विमानस्थल प्रहरीले जनाएको छ ।
विमानस्थलबाट उड्नेबित्तिकै असन्तुलित भएर जहाज तल भूइँमा खसेको बताइएको छ । दुर्घटनाको विस्तृत विवरण आएको छैन ।
वि.सं.२०८१ साउन ९ बुधवार १२:१५ मा प्रकाशित
