हामी सबैकाे संसारन्यूज

विजय थापा, अमेरिका । अमेरिकाको क्यालिफोर्निया राज्यको एलमिडा काउन्टीको आवास तथा सामुदायिक विकास सल्लाहकार बोर्डमा नेपाली मूलका युवा समाजसेवी तथा सफल व्यवसायी प्रितेश कार्की नियुक्त भएका छन् ।

कार्कीलाई एलमेडा काउन्टी पर्यवेक्षकहरूको बोर्डले जुलाई २३ ,२०२४ देखि जुलाई २३ ,२०२८ सम्म ४ बर्षका लागि आवास तथा सामुदायिक विकास सल्लाहकार बोर्डमा नियुक्त गरिएको हो ।

बिभिन्न संघ/संस्थामा संलग्न कार्की अमेरिकाको पश्चिमी क्षेत्रका युवा समाज सेवी तथा सफल व्यवसायी हुन् । उच्च शिक्षाको लागि सन् २०११ मा अमेरिका आएका कार्कीको मूल घर बिराटनगर हो । पेशाले आर्किटेक्ट अर्थात् अभियन्ता(इन्जिनियर) उनको पृष्ठभूमि नै इन्जिनियर भएको र नेपालमा आवास तथा सामुदायिक बिकाशमा समेत योगदान गरेको अनुभवलाई मध्यनजर गर्दै एलमेडा काउन्टी पर्यवेक्षकहरूको बोर्डले उनलाई मनोनयन गरेको बताइएको छ ।
उनको नियुक्तीले नेपालीहरुले अन्तर्राष्ट्रिय जगतमा पनि नेतृत् वगर्न सक्षम हुन्छन भन्ने कुरालाई थप पुष्टी गरेको छ ।