Sansar News
विराटनगर । नेकपा माओवादी केन्द्र आज कोसी प्रदेश सरकारबाट बाहिरिने भएको छ । माओवादीले सरकारबाट बाहिरिँदै समर्थन पनि फिर्ता लिने तयारी गरेको छ ।
केन्द्रीय सत्ता समीकरण फेरिए पनि माओवादी केन्द्रले नेकपा एमाले नेतृत्वको कोसी प्रदेश सरकार छाडेको थिएन । मुख्यमन्त्री हिक्मतकुमार कार्कीले हटाउने सङ्केत पाएपछि माओवादी केन्द्रका मन्त्रीहरूले आज राजीनामा बुझाउँदै छन् ।
कोसी प्रदेश सरकारमा नेकपा माओवादी केन्द्रबाट उप्रेतीसँगै राजेन्द्र कार्की स्वास्थ्य, नारायण बुर्जा मगर पर्यटन वन तथा वातावरण मन्त्री र वन्दना झाँगड पर्यटन वन तथा वातावरण राज्यमन्त्री छन् ।
माओवादी केन्द्रले सरकारबाट फिर्ता भएपछि समर्थन पनि फिर्ता लिने छ । माओवादीले छाडेपछि काँग्रेसलाई सरकार प्रवेशको बाटो खुल्नेछ ।
वि.सं.२०८१ साउन ११ शुक्रवार ११:५८ मा प्रकाशित
