हामी सबैकाे संसारन्यूज

काठमाडौँ । आज साताको पहिलो दिन सेयर बजार दास्रो पटक सेयर बजारमासर्किट ब्रेक लागेको छ । बजार खुलेको १ मिनेटमै पहिलो सर्किट ब्रेक लागेर २० मिनेटको लागि बजार बन्द भएको थियो ।

२० मिनेटपछि खुलेको बजारमा पुनः १ मिनेटमै थप १ प्रतिशत विन्द बढेर ५ दशमलव ०२ प्रतिशत अर्थाथ १२९ दशमलव ०७ अंक बढेर २६९७ मा कायम भएको छ । दोस्रो सर्किटपछि ४० मिनेटका लागि कारोबार स्थगित भएको छ ।

शुक्रबार सार्वजनिक गरिएको मौद्रिक नीतिलमा संस्थागत लगानीकर्ताका लागि बैंक तथा वित्तीय संस्थाबाट सेयर धितोमा लिन पाउने कर्जाको २० करोडको सीमा हटाएको छ । जसले गर्दा ठूला संस्थागत लगानीकर्तालाई ठूलो रकम ऋण लगानीका लागि बाटो खुलेको छ । मौद्रिक नीतिपछि नेप्सेमा सकारात्मक प्रभाव देखिएको छ।

कारोबार शुरु भएको पहिलो घण्टा ११ देखि १२ बजेको बीचमा ४ प्रतिशतले, दोस्रो घण्टा ५ प्रतिशतले र त्यसपछि ६ प्रतिशतले घटे वा बढे सर्किट ब्रेक लाग्ने व्यवस्था रहेको छ ।