Sansar News
काठमाडौं । आइएमई लिमिटेड र जीएमई रेमिट प्रालिले यहि साउन ३० गतेदेखि एकीकृत कारोबार गर्ने भएको छ । जीएमईलाई प्राप्ती पश्चात आइएमई लिमिटेडले साउन ३० गतेबाट एकीकृत कारोबार शुभारम्भ गर्न लागेको हो ।
आइएमई लिमिटेडको जेठ ९ गते सम्पन्न विशेष साधारण सभाबाट जीएमई रेमिट प्रालिलाई प्राप्ती गर्ने विशेष प्रस्ताव पारित भएको थियो भने जीएमई रेमिट प्रालिको जेठ ९ गते सम्पन्न विशेष साधारण सभाले आइएमई लिमिटेडमा गाभिने विशेष प्रस्ताव पारित भएको थियो ।
त्यसैगरी कम्पनी रजिष्ट्रारको कार्यालयले साउन ४ गते आइएमई लिमिटेडमा जीएमई रेमिट प्रालि गाभ्नेरगाभिने तथा प्राप्ती (एक्विजिसन)गर्ने अन्तिम स्वीकृति दिएको थियो ।
उक्त कम्पनीले सर्वसाधारणका लागि प्राथमिक शेयर (आईपीओ) निष्कासन गर्ने तयारी गरिरहेको छ । कम्पनीले १० करोड रुपैयाँ बराबरको १० लाख कित्ता शेयर निष्कासन गर्न नेपाल धितोपत्र बोर्डमा अनुमति मागेको छ ।
वि.सं.२०८१ साउन १३ आइतवार १२:२० मा प्रकाशित
