हामी सबैकाे संसारन्यूज

काठमाडौं । स्वतन्त्र ऊर्जा उत्पादकहरुको संस्था इप्पानले नेपाल राष्ट्र बैंकले शुक्रबार सार्वजनिक गरेको आर्थिक बर्ष २०८१/०८२को मौद्रिक नीतिप्रति असन्टुष्टि जनाएको छ ।

इप्पानले एक विज्ञप्ती जारी गर्दै राष्ट्र बैंकले सार्वजनिक गरेको मौद्रिक नीतिमार्फत निजी क्षेत्रका ऊर्जा विकासकर्तालाई कुनै पनि आकर्षित र सहजीकरण गर्ने नीति नआएकोमा गम्भीर आपत्ति हो ।

इप्पानले विज्ञप्तीमा भनेको छ,-“ आफ्ना मागहरु लिखित रुपमा समेत नेपाल राष्ट्र बैकलाई उपलब्ध गराएपनि मौद्रिक नीतिमार्फत निजी क्षेत्रका ऊर्जा विकासकर्तालाई कुनै पनि आकर्षित र सहजीकरण गर्ने नीति नआएकोमा इप्पानको गम्भीर आपत्ति छ । ”

इप्पानले तत्काल निजी क्षेत्रका ऊर्जा विकासकर्ताहरुका लागि उत्साहित हुने गरी नीतिगत र कार्यान्वयनगत सुधार र सहजीकरण गर्न नसकेमा समग्र ऊर्जा विकासमा ठूलो समस्या आउने र सरकारका कुनै पनि लक्ष्य हासिल हुन नसकी देशको अर्थतन्त्रमा गम्भीर असर पर्ने जनाएको छ ।

इप्पानले आफ्नो विज्ञप्तीमा भनेको छ,-“संसदमा नीति निर्माता, प्रधानमन्त्रीदेखि मन्त्रीहरुसम्म तथा स्वयं राष्ट्र बैंकका गर्भनरबाट समेत पटक पटक निजी क्षेत्रलाई आकर्षित गर्ने गरी नीति ल्याउने सार्वजनजिक घोषणा गरिरहँदासमेत नत सरकारकोवित्त नीतिमा नत मौद्रिक नीतिमा कतै पनि कुनै पनि माग सम्बोधन नहुनु यो निजी क्षेत्र विरोधी मात्र होइन, निजी क्षेत्रलाई हतोत्साहित बनाउने घोर आपत्तिजनक प्रपञ्च भएको हाम्रो ठहर छ ।”
विज्ञप्ती :-