Sansar News
काठमाडौं । नेपाली संगीत क्षेत्रका सम्मानित व्यक्तित्व तथा शास्त्रीय संगीतका गुरु गुरुदेव कामतको निधन भएको छ । पारिवारिक स्रोतका अनुसार आज बिहान ७ः३० बजे सिरहास्थित आफ्नै घरमा उनको निधन भएको हो ।
लामो समयदेखि मिर्गौला रोगबाट पीडित कामत ६९ वर्षका थिए । उपचारका लागि आर्थिक संकट भएपछि उनी एक महिनाअघि मात्र काठमाडौँबाट सिराहा फर्किएका थिए ।
पछिल्ला ४० वर्षदेखि उनी काठमाडौँमा बसेर नेपाली गीत, संगीत, शास्त्रीय गायन क्षेत्रमा योगदान गरिरहेका थिए ।
गुरु कामतको जन्म २०१२ साउन १७ गते सिराहाको पोखरभिण्डामा भएको थियो ।
वि.सं.२०८१ साउन १७ बिहीवार ११:११ मा प्रकाशित
