Sansar News
काठमाडौं । नेकपा एमालेको केन्द्रीय सचिवालय बैठक जारी छ । बैठक होटेल बसेरामा बसिरहेको हो ।
च्यासलस्थित केन्द्रीय कार्यालयमा मंगलबार बाढी पसेकाले होटेलमा बैठक आयोजना गरिएको एमाले अध्यक्ष एवम् प्रधानमन्त्री केपी शर्मा ओलीले आज बिहान सामाजिक सञ्जालमार्फत् जानकारी दिएका छन् ।
एमालेले सचिवालय बैठकमा नेताहरुको कार्यविभाजन, समसामयिक राजनीतिक अवस्था र सरकारको काम प्रभावकारी बनाउने विषयमा छलफल हुने जनाएको छ । एमालेले पार्टीमा एक व्यक्ति एक पद लागू गर्दै छ । पार्टी अध्यक्ष एवम् प्रधानमन्त्री केपी शर्मा ओली बाहेक राजकीय जिम्मेवारी पाएका अन्यलाई दोहोरो जिम्मेवारी नदिने एमालेको तयारी छ ।
वि.सं.२०८१ साउन १७ बिहीवार १३:०४ मा प्रकाशित
