काठमाडौँ । नेकपा माओवादी केन्द्र पर्वत-काठमाडौँ सम्पर्क समन्वयन समितिको सातौँ भेलाले विभिन्न व्यक्तिहरूलाई सम्मान गरेको छ । भेला काठमाडौँ स्थित नयाँ बजारको सगुन क्याफे एन्ड पार्टी प्यालेसमा सम्पन्न भएको थियो ।
भेलाले जिल्ला समन्वय समितिका उपप्रमुख, राष्ट्रिय सभाका सदस्य, पर्वत–काठमाडौँ सम्पर्क समन्वयन समितिका पूर्व अध्यक्ष, जन निर्वाचित पालिका उपाध्यक्ष, वडा अध्यक्ष लगायतलाई सम्मान गरेको पर्वत–काठमाडौँ सम्पर्क समन्वयन समितिका उपाध्यक्ष भूपराज भुसालले जानकारी दिए ।
सम्मानित हुनेहरूमा जिल्ला समन्वय समितिका उपप्रमुख सोम बहादुर जिसी, राष्ट्रिय सभाका सदस्यहरू श्रीकृष्ण अधिकारी विवेक, झक्कु प्रसाद सुवेदी, मनरुपा शर्मा सुवेदी, नेकपा माओवादी केन्द्र पर्वत-काठमाडौँ सम्पर्क समन्वयन समितिका पूर्व अध्यक्षहरू उमाकान्त भुर्तेल, धर्मगत भुसाल, चोक नारायण काफ्ले, यमनाथ गिरी, शिवलाल पुरी लगायत रहेका छन् ।
यस्तै फलेवास नगरपालिका उपाध्यक्ष शोभा क्षेत्री, जलजला गाउँ पालिका उपाध्यक्ष दीपक आर्चाय, जलजला गाउँपालिका-९ का अध्यक्ष गौबहादुर पुन, जलजला गाउँपालिका-७ का अध्यक्ष टुङनाथ आर्चाय, विहादी गाउँपालिका-६ का अध्यक्ष मोहन बहादुर बस्याल लगायत रहेका छन् ।
वि.सं.२०८१ साउन २३ बुधवार १५:३८ मा प्रकाशित
