जनकपुरधाम । बारामा माछा खाएर बिरामी भएका एकै परिवारका तीन जना बालबालिकाको मृत्यु भएको छ ।
सिम्रौनगढ नगरपालिका-७ झवानीटोलका नरेश रामका तीन जना छोराछोरीको मृत्यु भएको हो । उनका नौ वर्षीय छोरी लालिमा, सात वर्षीय पुष्पा र पाँच वर्षीय छोरा कृष्ण नन्दन रामको सोमबार मृत्यु भएको प्रहरीले जनाएको छ ।
आइतबार घर नजिकैको पोखरीबाट ल्याइएको माछा र भात खाएर सपरिवार सुतेका बालबालिकालाई पेट दुख्ने, बान्ता हुने र झाडापखाला लाग्ने समस्या भएर सिकिस्त बिरामी परेको प्रहरीको भनाई छ ।
सिम्रौनगढ स्वास्थ्य क्लिनिकमा उपचार उपचार हुन नसकेपछि उनीहरूलाई प्रादेशिक अस्पताल कलैया लगिएको थियो । लालिमाको बाटोमै र पुष्पा र कृष्णनन्दको कलैया अस्पतालमा मृत्यु भएका हो । माछा विषाक्त भएका कारण उनीहरू बिरामी परेको प्रहरीको आशङ्का छ । घटना विषयमा थप अनुसन्धान भइरहेको छ ।
वि.सं.२०८१ साउन २९ मंगलवार ११:२४ मा प्रकाशित
