हामी सबैकाे संसारन्यूज

काठमाडौं । बजारमा शुक्रबार सुनको मूल्य घटेको छ । आज सुनको मूल्य तोलामा ९०० रुपैयाँ घटेको हो ।

नेपाल सुनचाँदी व्यवसायी महासंघका अनुसार आज सुनको मूल्य तोलामा १ लाख ४९ हजार ६०० रुपैयाँ कायम भएको छ । अघिल्लो कारोबार बिहीबार सुनको मूल्य तोलाको १ लाख ५० हजार ५०० रुपैयाँ कायम थियो ।

यसैगरी, आज चाँदीको मूल्य तोलाको १ हजार ७६० रुपैयाँमा कायम भएको छ । बिहीवार चाँदीको मूल्य प्रतितोला १ हजार ७४० रुपैयाँ कायम थियो ।

त्यस्तै, महासंघले आज प्रति १० ग्राम छापावाल सुनको मूल्य १ लाख २८ हजार २६० रुपैयाँ तोकेको छ । साथै, प्रति १० ग्राम चाँदीको मूल्य १ हजार ५०९ रुपैयाँ छ । आज अन्तरराष्ट्रिय बजारमा भने सुनको मूल्य प्रतिऔंस २ हजार ४५२ अमेरिकी डलरमा कारोबार भइरहेको छ ।