Sansar News
बिमला चन्द सानू
बैतडी हाल : काठमाडौ
सगरमा चराको कहाँ हुन्छ स्वार्थ
जमिन बिस्तराको कहाँ हुन्छ स्वार्थ
निकैचोटि रोएको छूँ साँध काट्दा
धराको गराको कहाँ हुन्छ स्वार्थ
सधैं खाद पानी हुँदा सुक्ने बोट
पिपलका जराको कहाँ हुन्छ स्वार्थ
सधैं हेर्छु उस्तै सुगन्धित छ मौसम
कुना कन्दराको कहाँ हुन्छ स्वार्थ
कहाँ देव द्यौता कहाँ सुर सुरा छन्
सरिप अप्सराको कहाँ हुन्छ स्वार्थ ।
बहर : मुतक़ारिब मुसम्मन महजुफ
अर्कान : फ़ऊलुन फ़ऊलुन फ़ऊलुन फ़अल
वजन : १२२, १२२, १२२, १२२
वि.सं.२०८१ भदौ १ शनिवार ०५:२७ मा प्रकाशित
