हामी सबैकाे संसारन्यूज

काठमाडौँ । महालक्ष्मीविकास बैंक र पायोनियर मोटो कर्प प्रा.लि. बीच समझदारी पत्रमा हस्ताक्षर भएको छ । बैंकका अनुसार निसान ब्रान्डका गाडी खरिद गर्दा बैँकका ग्राहकलाई कर्जा दिने सम्बन्धमा उक्त समझदारी पत्रमा हस्ताक्षर भएको हो ।

बैँकले जारी गरेको प्रेस विज्ञाप्तीमा उल्लेख भए अनुसार निसान ब्रान्डका गाडी खरिद गर्न इच्छुक ग्राहकहरुलाई बैंकले ९.९९ प्रतिशतमै कर्जा दिने भएको हो । विद्युतीय गाडीको हकमा अधिकतम ५ वर्ष अवधी रहने गरी भ्याट बिल वा कोटेशन मुल्यको ८० प्रतिशत, जुनकम हुन्छ, सो बराबरको कर्जा र विद्युतीय बाहेकको अन्य गाडीमा अधिकतम ८ वर्ष अवधी रहने गरी भ्याट बिल वा कोटेशन मुल्यको ५० प्रतिशत जुन कम हुन्छ, सो बराबरको कर्जा बैंकले प्रदान गर्ने विज्ञाप्तीमा जनाइएको छ ।

उक्त ब्राण्डको गाडी खरिद गर्नको लागि कर्जा लिन चाहने ग्राहकहरुले बैंकको आधिकारिक वेबसाइट, सामाजिक सञ्जालहरु, सम्पुर्ण शाखाकार्यालयहरु तथा पत्रपत्रिकामा रहेको क्युआर कोड स्क्यान गरेर समेत आवेदन दिन सकिने छ ।

“सबल बैंक, सफल सहकार्य” को नारालाई आत्मसाथगर्दै नेपालीजनताको घर दैलोमा विगत ३० वर्ष देखि अनवरत रुपले गुणस्तरीय वित्तीय सेवा प्रदान गर्दै आएको यस बैंकको देशभर १०३ शाखा कार्यालयहरु र करिब ८ लाख ग्राहकहरु रहेका छन् । साथै मिति २०८०÷०९÷२८ मा सम्पन्न बैंकको २२ औ वार्षिक साधारण सभाबाट विदेशी बैंक वावित्तीय संस्थालाई रणनीतिक साझेदारको रुपमाल्याउन प्रस्ताव समेत पारित भएको छ ।

क्युआर कोड ।