Sansar News
काठमाडौँ । नौबिसे–नागढुंगा सडकखण्डअन्तर्गत झ्याप्ले खोलाको पहिरोबाट २७ जनाको शव निकालिएको छ । शनिबार १४ र आइतबार १३ वटा शव निकालिएको धादिङका प्रहरी उपरीक्षक (एसपी) गौतम केसीले जानकारी दिए ।
शनिबार बिहान करिब ४ बजेतिरको समय जाममा रोकिएका बेला पहिरो जाँदा चार वटा सवारीसाधन पुरिएको आशंका गरिएको छ । तीनवटा देखिएको छ भने अर्को खोजीको क्रममा रहेको उनले बताए ।
नेपाली सेना, नेपाल प्रहरी, शसस्त्र प्रहरीका एक सय भन्दा भन्दा बढी जनशक्ति मिलेर शव निकाल्ने काम भइरहेको प्रहरीले जनाएको भनाइ छ ।
वि.सं.२०८१ असोज १३ आइतवार १३:०४ मा प्रकाशित
