Sansar News
काठमाडौं । आज सुनको मूल्य ह्वातै बढेको छ । आज मंगलवार सुनको मूल्य तोलामा एक हजार चार सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रति तोला एक लाख ६० हजार पाँच सय रुपैयाँमा कारोवार भइरहेको छ । अघिल्लो कारोबारको दिन छापावाला सुन प्रतितोला एक लाख ५९ हजार एक सय रुपैयाँमा कारोबार भएको थियो ।
त्यसैगरी, आज मंगलवार चाँदीको मूल्य २५ रुपैयाँले बढेको छ । महासंघका अनुसार आज चाँदी प्रति तोला एक हजार नौ सय २५ रुपैयाँमा कारोबार भइरहेको छ । अघिल्लो कारोबारको दिन चाँदी एक हजार नौ सय रुपैयाँमा कारोवार भएको थियो ।
वि.सं.२०८१ असोज २९ मंगलवार ११:४९ मा प्रकाशित
