Sansar News
काठमाडौँ । काठमाडौंको गौशालास्थित भण्डारखालमा एक २६ वर्षीय युवक मृत अवस्थामा भेटिएका छन् । गौसला प्रहरीका अनुसार ओखलढुंगा घर भई जयबागेश्वरीमा डेरा गरी बस्ने लोकनाथ पोखरेल मृत भेटिएका हुन् ।
घाँटीमा डोरीको पासो लगाई रुखमा झुन्डिएको अवस्थामा उनी फेला परेको प्रहरी वृत्त गौशालाका डिएसपी शुकदेव खनालले बताए । मृतकका आफन्तहरू राति आफ्नो मान्छे हराएको भन्दै कार्यालयमा आएपछि खोजी गरिएको उनले बताए । बिहान मर्निङ वाक गर्नेहरूले रुखमा झुन्डिएको अवस्थामा देखेपछि प्रहरीलाई खबर गरेका थिए ।
डेरामा मदिरा सेवन गर्ने क्रममा आफन्तसँग झगडा गर्दै बेलुकी ८ बजेदेखि उनी हराएको बताइएको छ । मदिरा थप्ने निहुँमा झगडा परेर उनी डेराबाट निस्किएका थिए । प्रहरीका अनुसार उनी ओखलढुंगा, मोलुङ गाउँपालिका ५ का बासिन्दा हुन् ।
वि.सं.२०८१ असोज ३० बुधवार ०९:३४ मा प्रकाशित
