Sansar News
काठमाडौँ । रूपन्देहीको सुप्रिम बचत तथा ऋण सहकारी संस्था लिमिटेडका पीडितहरूले भैरहवामा प्रदर्शन गरेका छन् । सुप्रिम सहकारी बचत ठगी प्रकरणमा पक्राउ परेका गोर्खा मिडिया नेटवर्क प्रालिका तत्कालीन उपाध्यक्ष एवं पूर्वडीआईजी छविलाल जोशीसँग भैरहवास्थित जिल्ला सरकारी वकिलको कार्यालयमा मंगलबार बिहानदेखि बयान भइरहेको छ ।
उक्त बयान भइरहँदा सहकारी पीडितहरूले रुपन्देही जिल्ला अदालतअगाडि प्रदर्शन गरेका हुन् । सहकारी ठगी प्रकरणमा गत असोज ६ गते पक्राउ गरी पोखरा लगिएका जोशीलाई बयानको लागि सोमबार बुटवल ल्याइएको थियो ।
जोशीसँग मंगलबार बिहानदेखि बयान सुरू हुने थाहा पाएका सहकारी पीडितहरूले मंगलबार बिहान ११ बजेदेखि अदालत अगाडि प्रदर्शन गरेका हुन् । सुप्रिम सहकारी पीडित संघर्ष समितिमार्फत् विरोध प्रदर्शन गरिएको हो ।
वि.सं.२०८१ कात्तिक ६ मंगलवार १५:१४ मा प्रकाशित
