हामी सबैकाे संसारन्यूज

काठमाडौं । आज बुधवार सुनको मूल्य हाल सम्मकै उच्च भएको छ । एक सातादेखि निरन्तर उच्च रहेको सुनको मूल्यले आज पनि नयाँ किर्तिमान कायम गरेको छ । आज तोलामा आठ सय रुपैयाँले बढेर सुनको मूल्यले नयाँ रेकर्ड राखेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रति तोला एक लाख ६६ हजार सात सय रुपैयाँमा कारोबार भइरहेको छ । हिजो मंगलवार छापावाल सुन प्रतितोला एक लाख ६५ हजार नौ सय रुपैयाँमा कारोबार भएको थियो ।

त्यसैगरी, आज चाँदीको मूल्य ३५ रुपैयाँले बढेको छ । आज बुधवार चाँदीको मूल्य प्रतितोला दुइ हजार एक सय ३५ रुपैयाँमा कारोवार भइरहेको महासंघले जनाएको छ । हिजो चाँदी दुइ हजार एक सय रुपैयाँमा कारोबार भएको थियो ।