हामी सबैकाे संसारन्यूज

स्याङ्जाको कालीगण्डकी गाउँपालिका–५, बेल्टारी ठूलाबगरमा वडा स्तरीय क्रिकेट प्रतियोगिता सञ्चालन भएको छ । आदर्श  युवा क्लब ले आयोजना गरेको प्रतियोगिता मङ्गलवार सुरु भएको थियो ।

खेलको कालीण्डकी गाउँपालिकाका अध्यक्ष खिमबहादुर थापाले उद्घाटन गरेका थिए । अध्यक्ष थापाले  खेलमैदान  निर्माणको प्रारम्भिक चरण पूरा गरेकोमा क्लब र स्थानीयलाई  बधाई दिँदै थप स्तर उन्नतिमा पालिकाको महत्त्वपूर्ण सहभागिता रहने जनाए ।

समाजसेवी अनीश न्यौपानेले खेलाडी समाजको गहना भएको भन्दै स्वास्थ्य समाज निर्माणका लागि युवा एकता र खेल महत्त्वपूर्ण हुने बताए । उद्घाटन कार्यक्रममा पालिकाका पाँच वटै वडा अध्यक्षले खेलमैदान निर्माण गरेकोमा खुसी व्यक्त गरे ।
स्याङ्जा, पाल्पा, रुपन्देहीका २६ समूह सहभागी भएको प्रतियोगिताको पहिलो खेलमा गल्याङ नगरपालिका दुई वटा वडाका खेलाडी भिडेका थिए । जसमा गल्यााङ ९ गल्याङ ३ लाई पराजित गर्दै विजयी भएको छ ।

यस्तै बुधबार भएको प्रतियोगिताको दोस्रो खेलमा बेल्टारी लिजेन्ट विजयी भएको छ । बेल्टारीले एनइएलाई हराएको थियो छ । तेस्रो खेलमा दर्पुकले जैपतेसँग हार बेहोर्नुपयो । यस्तै प्रतियोगिताको चौँथो खेलमा राम्दीलाई हराउँदै मालुङ्गा विजयी भयो ।

खेल संयोजक कृष्ण न्यौपानेका अनुसार विजेतालाई ५० हजार र उप विजेताले २५ हजार पुरस्कार पाउने छन् । पहिलो पुरस्कार कालीगण्डकी गाउँपालिकाले र दोस्रो पुरस्कार शिशिर न्यौपानेले प्रायोजन गरेका थिए । संयोजक न्यौपानेका अनुसार बाँकी खेल तिहार पछि  हुनेछन् ।

क्लब र पुल निर्माण कम्पनीको संयुक्त प्रयासमा खेलमैदान निर्माण भएको थियो । क्लबका उपाध्यक्ष कमलराज पाण्डेको अध्यक्षतामा उद्घाटन कार्यक्रम सम्पन्न भएको थियो ।