Sansar News
धनगढी । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले रवि लामिछाने पक्राउको विरोधमा राष्ट्रिय स्वतन्त्र पार्टीले आन्दोलन गर्नुको अर्थ नभएको बताएका छन् । गृह जिल्ला डडेल्धुरा जाने क्रममा आइतबार धनगढी विमानस्थलमा सञ्चारकर्मीसँग कुराकानी गर्दै सभापति देउवाले संसदीय छानबिन समितिको प्रतिवेदनमा आधारमा सरकारले लामिछानेमाथि अनुसन्धान गरेको स्पष्ट पारे ।
उनले विगतमा कांग्रेसकै नेताहरुमाथि मुद्दा चल्दा आफूहरुले आन्दोलन नगरेको भन्दै देउवाले भने, ‘हाम्रा साथीहरुलाई मुद्धा चलाइकै हो, हामीले होहल्ला गरेनौं ।’ लामिछाने पक्राउमा सरकारको पूर्वाग्रह नभएको देउवाको भनाइ थियो ।सहकारी ठगीमा दोषी ठहर भएमात्र लामिछानेलाई कारबाही हुने बताउँदै देउवाले अनुसन्धानमा सहयोग गर्न रास्वपालाई आग्रह गरेका छन् ।
गृह जिल्ला डडेल्धुरामा आयोजना हुने विभिन्न कार्यक्रममा सहभागी हुन देउवा आइतबार बिहान सुदूरपश्चिम आएका हुन् । देउवा आज धनगढीमै बस्ने कार्यत्रमm छ ।
वि.सं.२०८१ कात्तिक २५ आइतवार १४:३५ मा प्रकाशित
