हामी सबैकाे संसारन्यूज

काठमाडौँ । नेपालमा हाल सञ्चालन भएका २० वटा वाणिज्य बैंकहरुले मंसिर महिनाका लागि ब्याजदर प्रकाशित गरेका छन् । आज बैंकले सार्वजानिक गरेको विवरण अनुसार बैंकहरुले मंसिर महिनाको लागि पुनः ब्याजदर घटाएका छन् ।

कात्तिक महिनाको तुलनामा मंसिरमा १२ बैंकहरुले ब्याजदर घटाएका छन् । बाँकी ८ वाणिज्य बैंकहरुले असोज महिनाकै ब्याजदरलाई निरन्तरता दिएका छन् । राष्ट्रिय वाणिज्य बैंकले भने यस्तो निक्षेपको ब्याजदर ०.२ प्रतिशतविन्दुले बढाएको छ ।

गएको महिनामा व्यक्तिगत मुद्दति निक्षेपको अधिकतममा औषतमा ६.१८७८ प्रतिशतविन्दुका दरले ब्याज दिइरहेका वाणिज्य बैंकहरुले मंसिर महिनामा औषतमा ५.९७०३ प्रतिशतविन्दुका दरले ब्याज दिने भएका छन् । बैंकहरुको औषत ब्याजदर मंसिर महिनामा ०.२१७४ प्रतिशतविन्दु घटेको हो ।

मंसिर महिनाको लागि सबैभन्दा बढी व्याज दिनेको सूचीमा पहिलो नम्बरमा एनआईसी एशिया बैंक रहेको छ । सो बैंकले व्यक्तिगत मुद्दति निक्षेपमा अधिकतममा ६.७९ प्रतिशतका दरले ब्याज प्रदान गरेको छ । सबैभन्दा कम ब्याज लक्ष्मी सनराइज बैंकको रहेको छ । सो बैंकले निक्षेपमा अधिकतममा ५.५ प्रतिशतका दरले ब्याज दिने भएको छ ।

माछापुच्छ्रे बैंकले मंसिर महिनाको लागि सबैभन्दा बढी ब्याज घटाउटाएको छ । गत महिना व्यक्तिगत मुद्दति निक्षेपमा अधिकतममा ७ प्रतिशत ब्याज दिएको यस बैंकले मंसिरमा १ प्रतिशत घटाएर ६ प्रतिशतका दरले ब्याज दिने भएको छ ।

मंसिर महिनाको लागि यस्तो छ व्याजदर ।