हामी सबैकाे संसारन्यूज

काठमाडौं । ज्योति विकास बैंक लिमिटेडका ग्राहकहरुले काठमाडौंस्थित “ ई-रिभोल्भिङ इन्डियन कुजिन रेस्टुरेन्ट”मा विशेष छुट पाउने भएका छन् । बैंकले इन्डियन कुजिन रेस्टुरेन्टमा बैंकका ग्राहकहरूलाई १०% सम्मको विशेष छुट प्रदान गर्ने सम्बन्धी सम्झौता गरेको छ ।

यस सम्झौतापश्चात्, ज्योति विकास बैंकका ग्राहकहरूले उक्त रेस्टुरेन्टमा १०% सम्म छुट प्राप्त गर्न सक्नेछन् । स्वादिष्ट परिकार, आकर्षक वातावरण,उत्कृष्ट आतिथ्य सेवा र हरेक ४६ मिनेटमा एक सुस्त घुमाउरो घुम्ने विशेषताका कारण काठमाडौँको न्युरोडमा रहेको यो रेस्टुरेन्टले ग्राहकहरूको मन जित्दै विशिष्ट गन्तव्यको रूपमा आफूलाई स्थापित गरेको बैंकले जनाएको छ ।

बैंकका अनुसार हालै बैंकले काठमाडौँस्थित “अचार घर”, “नेपाल हाउस रेस्टुरेन्ट एण्ड बार ” र “महोत्सव रेस्टुरेन्ट एण्ड बार ” मा १०% सम्मको छुट प्रदान गर्ने सम्झौता गरेको छ । साथै, बैंकले काठमाडाौंस्थित प्रख्यात “सोयाचा ट्रेडर्स” मा १८% सम्मको विशेष छुट प्रदान गर्ने सम्झौता पनि गरेको छ । साथै, बैंकले “अन्नपूर्ण केबुल कार” मा १०% सम्मको विशेष छुट प्रदान गर्ने सम्झौता पनि गरेको छ ।

बैंकले ग्राहकहरूको सुविधालाई प्राथमिकतामा राख्दै, देशका अन्य विभिन्न व्यवसायहरूसँग निरन्तर सहकार्य गर्दै, ग्राहकहरूलाई विशेष छुट र सुविधा प्रदान गर्दै आइरहेको जनाएको छ ।

संस्थागत सुशासनलाई शिरोपर गर्दै, समाजप्रति उत्तरदायी यस विकास बैंकले नवीनतम चिन्तनका साथ समाजको अभ्युदय र दिगो परिवर्तनको संवाहक बन्दै समस्त नागरिकको जीवन जाज्वल्यमान बनाउने उद्देश्यलाई सदैव उच्च प्राथमिकतामा राख्ने कार्यलाई निरन्तरता प्रदान गर्ने र आगामी दिनहरू पनि परिवर्तनको ज्योति बन्ने अठोट प्रति प्रतिबद्ध रहेको जनाएको छ ।

बैंकले उपत्यका र उपत्यकाबाहिर गरी हाल १२१ शाखा कार्यालय, ३ विस्तारित काउन्टर तथा ७५ वटा एटीएम मार्फत बैंकिङ सेवा उपलब्ध गराउँदै आइरहेको जनाएको छ ।