हामी सबैकाे संसारन्यूज

वसन्त अनुभव, घोराही, दाङ

स्यालले आयोजना गरेको पत्रकार सम्मेलनमा थुप्रै जङ्गली जनावरहरूको उपस्थिति रहेको थियोे ।

‘हाम्रा राजा सिंह, एक डाइनामिक, दुरदर्शी, इमानदार राजा होइसिन्छ । यहाँजस्तो न हिजो थियोे, न भोलि नै हुनेछ ।’ प्रशंसाको पुल बाँध्दै स्यालले चिच्यायो ।

हिजोसम्म सिंहलाई देखिनसहने, सदा उछितो काँढ्न तत्पर हुने स्यालको कुरा सुनेर उपस्थित जङ्गली जनावरहरू केहीक्षण अलमलमा परे । तर पनि ब्वाँसोको धम्कीपूर्ण इसारा पाउनेबित्तिँकै सबैले गडगडाहट ताली ठोके ।

नील गाईलाई खपिनसक्मु भयो । अन्ततः जरायोको कानमा खुसुक्क छाद्न पुग्यो,
‘हिजोसम्म निरङ्कुश, तानाशाह, भ्रष्ट, .. केके हो केके भनी उछितो काँढेर नथाक्ने यहीँ स्याल हैन; एक्कासि आज के भएछ, यसलाई ?’

‘उपराजा ! हो, सिंहले उसलाई जहिलेदेखि जङ्गलको उपराजा बनायो, त्यहाँदेखि यसको घडाबाट अमृतबाहेक केही बगेको छैन ।’ जरायोले स्यालको उपहास उडाउँदै भन्यो ।