Sansar News
काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले राष्ट्रिय स्वतन्त्र पार्टीका सभापति रवि लामिछाने माथि सरकारले निरङ्कुश, अलोकतान्त्रिक, अमानवीय र प्रतिशोधपूर्ण व्यवहारको भन्दै त्यसलाई रोक्न आग्रह गरेका छन् ।
सोमबार फेसबुकमा एक स्ट्याटस मार्फत प्रचण्डले भनेका छन्, ‘अदालतबाट दोषी ठहर नभएका, अत्यधिक जनमतद्वारा निर्वाचित रास्वपा सभापति रवि लामिछानेमाथि सरकारले गरिरहेको निरङ्कुश, अलोकतान्त्रिक, अमानवीय र प्रतिशोधपूर्ण व्यवहारको निन्दा गर्दछु । त्यस प्रकारको व्यवहार रोक्न गम्भीर आग्रह पनि गर्दछु ।’
सोमबार बिहान पनि माओवादी केन्द्रका वरिष्ठ उपाध्यक्ष नारायणकाजी श्रेष्ठ प्रकाशले फेसबुकको स्ट्याटस मार्फत सरकाले रविमाथि गरेको व्यवहारको भर्त्सना गरेका छन् ।
वि.सं.२०८१ मंसिर २४ सोमवार १५:२१ मा प्रकाशित
