Sansar News
काठमाडौँ । प्रधानमन्त्री केपी शर्मा ओलीले गत असोज ४ गते देखि १४ सम्म गरेको अमेरिका भ्रमणमा राज्यकोषबाट चार करोड २९ लाख ५८ हजार रुपैयाँ खर्च भएको छ ।
अर्थ मन्त्रालयका अनुसार विशिष्ट व्यक्तिको भ्रमण खर्चका नाममा सो रकम बराबरको बजेट परराष्ट्र मन्त्रालयका नाममा अख्तियारी दिइएको छ ।
प्रधानमन्त्री ओली नेतृत्वको प्रतिनिधिमण्डल संयुक्त राष्ट्र संघको मूख्यालयमा आयोजित ७९ औँ महासभामा भाग लिन अमेरिका गएको थियो । अर्थ मन्त्रालयले यस्तो खर्च अर्थ विविध शीर्षकमा राखेको रकमबाट दिने गरेको छ ।
वि.सं.२०८१ पुस ७ आइतवार १५:५८ मा प्रकाशित
