Sansar News
काठमाडौँ । नेकपा माओवादी केन्द्र कालीगण्डकी गाउँपालिकाको तेस्रो सम्मेलनले आशिष् न्यौपानेको अध्यक्षतामा ३३ सदस्यीय नयाँ कार्य समिति गठन भएको छ ।
समितिको उपाध्यक्षहरूमा गणेश पाण्डे (बिर्घा), मनबहादुर विक (करीकोट), सरिता भट्टराई (मर्मी), सचिवमा कुशल भट्टराई (मिर्मी), कोषाध्यक्षमा हरि भट्टराई (मिर्मी), सह सचिवमा ऋषिश्वर श्रेष्ठ (छाप) लगायत बाँकी सदस्यमा निर्वाचित भएका छन् ।
समिति गठन पश्चात् नेकपा माओवादी केन्द्र स्याङ्जाका अध्यक्ष लोकेन्द्र थापाले नव निर्वाचित नेतृत्व तथा समितिलाई सफल कार्यकालको शुभकामना दिए ।
यस्तै अध्यक्ष आशिष् न्यौपानेले आफ्नो कार्यकालमा कालीगण्डकीको पार्टीलाई एकताबद्ध र मजबुत बनाउने दाबी गरे । सम्मेलनमा नेपाली काँग्रेसका क्षेत्रीय प्रतिनिधि हरिलाल विक पार्टी परित्याग गरी माओवादी पार्टीमा प्रवेश समेत गरेका छन् ।
वि.सं.२०८१ पुस २१ आइतवार १२:०४ मा प्रकाशित
