हामी सबैकाे संसारन्यूज

काठमाडौं । अन्तरराष्ट्रिय बजारमा सुनचाँदीको मूल्यमा सामान्य वृद्धि भएसँगै त्यसको प्रभाव स्थानीय बजारमा पनि परेको छ । अन्तरराष्ट्रिय बजारमा आज एक औँस सुनको मूल्य २७०४ अमेरिकी डलर निर्धारण भएको छ । गत शुक्रबार सोही परिमाणको पहेँलो धातु २६८१ डलरमा कारोबार भएको थियो ।

गत शुक्रबारको तुलनामा आज प्रतितोला सुनमा एक हजार ६०० रुपैयाँले वृद्धि भएको छ । नेपाल सुनचाँदी व्यवसायी महासङ्घका अनुसार आज प्रतितोला सुन एक लाख ५५ हजार ७०० रुपैयाँमा कारोबार भएको छ ।

त्यसैगरी, आज चाँदी प्रतितोला १५ रुपैयाँले बढेको छ । चाँदीको मूल्य एक हजार आठ सय ६० रुपैयाँ कायम भएको महासङ्घले जनाएको छ ।